एम.पी.डी.ए. कायद्याअंतर्गत एका वाळुमाफीयाची हर्सूल कारागृहात रवानगी

बीड : बीड जिल्ह्यातील कायदा आणि सुव्यवस्था अबाधित ठेवण्यासाठी जिल्हयाचे पोलीस अधीक्षक श्री. नवनीत काँवत यांनी शर्थीचे प्रयत्न चालवले आहेत, बीड जिल्ह्यातील गुंडगिरीचे समूळ उच्चाटनकरण्याचा उदात्त दृष्टीकोन डोळयासमोर ठेवुन MPDA कायद्या अंतर्गत बऱ्याच गुन्हेगारांवर व गुंडावर तसेच वाळुमाफीयावर MPDA कायदया अंतर्गत कार्यवाही करण्याचे योजिले आहे. या पाश्र्वभूमीवर पोलीस अधीक्षक, बीड यांचे सुचनेवरून सहा, पोलीस निरीक्षक श्री. नारायण एकशिंगे पोलीस ठाणे चकलांबा, जि. बीड यांनी दिनांक 22.08.2024 रोजी इसम नामे सुरज विठ्ठल ढाकणे वय 27 वर्षे रा.मुंगी ता. शेवगांव जि. अहील्यानगर याचे विरुद्ध MPDA कायद्याअंतर्गत स्थानबद्ध करण्याबाबतचा प्रस्ताव पोलीस अधीक्षक बीड यांच्या मार्फतीने मा जिल्हादंडाधिकारी साहेब बीड यांना सादर केला होता. सदर स्थानबद्ध इसमा विरुध्द पोलीस ठाणे चकलांबा येथे खुनाचा प्रयत्न करणे, दरोडा टाकणे, जाळपोळ करणे, गौण खनिज वाळूची चोरी करणे, वाळुचोरीचा प्रयत्न करणे, सरकारी कामात अडथळा आणणे सरकारी नौकरावर हल्ला करणे, मारहाण करणे, शिवीगाळ करणे, जिवे मारण्याच्या धमक्या देणे अवैद्यशस्त्र बाळगणे, वगैरे स्वरुपाचे 09 गुन्ह्याची नोंद पोलीस अभिलेखावर आहे. सर्व गुन्हे न्याय प्रविष्ट आहेत. सदरील इसम हा गौण खनिज वाळुचोरीचे व इतर गंभीर स्वरुपाचे गुन्हे करत असल्याने पोलीसांची त्याचेवर बऱ्याच दिवसांपासून करडी नागर होती. सदर इसमावर यापूर्वी CrPC 110 प्रमाणे दि. 05.10.2023 रोजी प्रतिबंधक कारवाई करण्यात आली होती. परंतु सदर इसम हा प्रतिबंधक कारवाईस न जुमानता पून्हा चढत्या क्रमाने गुन्हे करण्याचे चालूच ठेवून होता. त्याची पोस्टे चकलांबा हद्दीत व लगतच्या परीसरात दहशत आहे. त्याचे विरुध्द लोक फिर्याद देण्यास अथवा साक्ष देण्याससमोर येत नाहीत. सदर प्रकरणात श्री, अविनाश पाठक, जिल्हाधिकारी तथा जिल्हादंडाधिकारी बीड यांनी दि. 19.09.2024 रोजी सदर प्रकरणाच्या अनुषंगाने एम.पी.डी.ए. कायद्या अंतर्गत आदेश पारीत करून सदर इसमास तात्काळ ताब्यात घेवून हर्सूल कारागृह छत्रपती संभाजीनगर येथे हजर करून स्थानबध करणे बाबत त्यांचेकडील आदेशक्रमांक जा.क्र. 2024/आरबी डेस्क- 1/पोल-1/एम.पी.डी.ए 15 दिनांक 19.09.2024 अन्वये आदेश पारीत केले होते. त्यानंतर पोलीस अधिक्षक बीड यांनी सदर इसमास तात्काळ ताब्यात घेवून कार्यवाही करण्याच्या सुचना स.पो.नि.श्री. नारायण एकशिंगे पो.स्टे. चकलांबा यांना दिल्या होत्या. स्थानबध्दतेचे आदेश पारीत झाल्य पासून सदरचा इसम हा स्वतः चे अस्तीत्व लपवून वावरत होता. तसेच तो पोलीसांना गुंगारा देऊन फरार होता. सदरची बाब ही पोलीस अधीक्षक नवनीत कॉवत यांच्या नजरेतून लपवून राहीली नाही त्यांनी श्री. संदीप पाटील स. पो नि चकलांबा व श्री शिवाजी बंटेवाड पोनि स्थागुशा, बीड यांना आदेशीत करून सदर वाळुमाफीयास तात्काळ ताब्यात घेवुन स्थानबध्द करण्याच्या सुचना दिल्या होत्या. तेव्हा पासून पोलीस त्याच्या मागावर होते. दिनांक 18.07.2025 रोजी श्री. शिवाजी बंटेवाड पोनि स्थागूशा, बीड यांना गुप्त बातमीदारा मार्फत खात्रीलायक बातमी मिळाली की, सदर इसम हा पैठण तालुक्यात चोरुन लपुन वावरत आहे. त्यावरुन पोनि स्थागूशा, बीड यांनी पोउपनि सिद्धेश्वर मुरकुटे स्थागूशा, बीड यांचे पथक रवाना केले. सदरच्या इसमास पथकाने दि. 18.07.2025 रोजी मुंगी फाटा येथे ताब्यात घेवुन पोलीस ठाणे चकलांबा येथे दि.18.07.2025 रोजी 8.25 वा. हजर केले व त्यानंतर योग्य पोलीस बंदोबस्तात स.पो.नि चकलांबा यांनी ताबे पोलीस अंमलदारा मार्फत हर्सूल कारागृह, छत्रपती संभाजीनगर येथे दिनांक 19.07.2025 रोजी 01.15 वा. हजर करुन स्थानबध्द केले आहे. सदरची कामगिरी पोलीस अधीक्षक श्री. नवनीत कॉवत, अपर पोलीस अधीक्षक बीड श्री सचिन पांडकर, उपविपोअ गेवराई श्री. निरज राजगुरु, पो.नि. श्री. शियाजी बंटेवाड स्थागुशा बीड, यांचे गार्गदर्शनाखाली स.पो.नि श्री संदीप पाटील, पोउपिन अनंता तांगडे, सफो सोमनाथ कुलकर्णी, अमोल येळे कैलास खटाणे सर्व पो.स्टे चकलांबा पोउपनि ‘सिद्धेश्वर मरकुटे, रापोउपनि अभिमन्य औताडे, पोह राहुल शिंदे, विकास राठोड, मनोज परजणे, अश्पाक शेख, नितीन बडमारे, विबोसेन चव्हाण स्थागुशा बीड यांनी केलेली आहे. भविष्यातही वाळुचा चोरटा व्यापार करणारे तसेच जिवनावश्यक वस्तुचा काळाबाजार करणारे, जुगारः लॉटरी खेळणारे च खेळवीणारे तसेच धोकादायक गुंड यांचेवर व दादागिरी करणाऱ्या व खंडणी बहाद्दर गुंडावर जास्तीत जास्त MPDA कायदया अंतर्गतकठोर कारवाई करण्याचे संकेत पोलीस अधीक्षक श्री नवनीत काँवत यांनी दिले आहेत.