भारतातील प्रमुख टेलिकॉम कंपन्यांपैकी खाजगी कंपन्यांनी आपल्या रिचार्ज प्लानच्या दरात वाढ केली. यामुळे युजर्सने स्वस्त आणि मस्त रिचार्ज प्लानचा शोध सुरू केला.
टेलिकॉम कंपन्यांकडून युजर्सच्या गरजांनुसार विविध प्लान्स उपलब्ध करुन देण्यात येत असतात. तुम्ही स्वस्त आणि मस्त रिचार्ज प्लान शोधत असाल तर आम्ही तुमच्यासाठी 300 रुपयांपेक्षा कमी किमतीत उपलब्ध असलेल्या प्लानबाबत सांगणार आहोत. जिओ, एअरटेल आणि बीएसएनएल या तिन्ही कंपन्यांकडून 300 रुपयांपेक्षा कमी किमतीत उपलब्ध असलेल्या रिचार्ज प्लानबाबत जाणून घ्या…
एअरटेलचा 299 रुपयांचा रिचार्ज प्लान
Airtel च्या 299 रुपयांच्या प्लानमध्ये युजर्सला प्रतिदिन 1GB डेटा, अनलिमिटेड लोकल, एसटीडी आणि रोमिंग कॉल्स, दररोज 100 SMS आणि 28 दिवसांची व्हॅलिडिटी मिळते. या प्लानमध्ये Wynk च्या माध्यमातून हॅलोट्यून्स सुद्धा मिळते. यासोबतच दररोजची 1GB इंटरनेट डेटाची मर्यादा संपल्यावर युजर्सला 64kbps या स्पीडने इंटरनेट मिळेल.
जिओचा 299 रुपयांचा प्लान
जिओच्या या प्लानमध्ये युजर्सला 28 दिवसांची व्हॅलिडिटी मिळते. या काळात कंपनीकडून युजर्सला दररोज 1.5GB डेटा मिळतो. म्हणजेच संपूर्ण व्हॅलिडिटीच्या काळात युजर्सला एकूण 42GB डेटा दिला जात आहे. या प्लानमध्ये युजर्सला दररोज 100 SMS सुद्धा दिले जात आहेत. या प्लानमध्ये डेटा लिमिट संपल्यावर युजर्सला 64kbps या स्पीडने डेटा दिला जात आहे. यामध्ये युजर्सला JioTV, JioCinema आणि JioCloud चा अॅक्सेस मिळतो.
BSNL चा 269 रुपयांचा प्लान
या प्लानमध्ये युजर्सला 28 दिवसांची व्हॅलिडिटी देण्यात आली आहे. या काळात युजर्सला दररोज 2GB डेटा दिला जातो. हा डेटा संपल्यावर युजर्सला 40kbps या स्पीडने इंटरनेट मिळते. बीएसएनएलच्या या प्रीपेड प्लानमध्ये युजर्सला 100 एसएमएस दिले जातात. या प्लानमध्ये युजर्सला लोकधून, झिंग सारख्या सेवांचा लाभ सुद्धा मिळतो.
जिओ, बीएसएनएल आणि एअरटेल या तिन्ही कंपन्यांचे 300 रुपयांपेक्षा स्वस्त प्लानची माहिती आम्ही तुम्हाला दिली आहे. तुम्हाला कोणत्याही प्लानचा खरेदी करायचा असेल तर संबंधित कंपनीच्या प्लानची व्यवस्थित माहिती घ्या आणि त्यानंतरच रिचार्ज प्लान निवडा.
